ХÆНДЫХЪДЗУ

Нартæ æмæ Бæртæлæджы иумæйаг знаг. Хæндыхъдзу Бæртæлæгимæ хæцы, йæхицæн дзы хъалондар кæны, йæ зæххытæ йын исы, йæ адæмы йын цæгъды. Бæртæлæг йæхи Нарты уазæг бакодта, æххуыс сæ агуры. Разыйы дзуапп ын радтой, сæхи æрцæттæ кодтой. Æмæ æрмæст уымæн баххуыс нæу сæ нысан. «Уымæй уæлдай ма хъус-хъусæй хъусæм, – зæгъынц Борæйæн, – цыма Хæндыхъдзу махмæ дæр хъавы æмæ нæ домы Уæрыппы быдыр. æрæмбырд стæм æмæ ахъуыды кодтам, калммæ афоныл куы нæ фæрæвдз уай æмæ йын йæ сæр куы нæ ныссæдтай, уæд адæмæн уый фыдбылыз хæссы». Фæрдыгдоны был Хæндыхъдзуимæ схæцыдысты, йе 'фсад ын скуынæг кодтой. Хæндыхъдзу фидыды æлфæн йæ цыты уарт уым мæры æрсагъта æмæ уæдæй фæстæмæ Бæртæлæгæн йæхæдæг хъалондар сси.

кæс «АРВЫ ДУАР»-Ы СÆРГÆНДТÆ